Инглизча бойкот. МЮ ва “Челси” Европа клублари ассоциациясини тарк этди

Европа суперлигаси ташкил этилгани ва ушбу турнирда иштирок этиш истаги ортидан “Манчестер Юнайтед” ва “Челси” Европа клублари ассоциацияси (ЕСА) аъзолигини тарк этди.

Шунингдек, “Манчестер Юнайтед”нинг ижрочи директори Эд Вудворд УЕФАдаги лавозимидан кетганини билдирди.

Англиянинг мазкур икки клубидан ташқари “Тоттенхэм”, “Арсенал”, “Ливерпуль” ва “Манчестер Сити” ҳам янги лойиҳада иштирок этишини тасдиқлаган.

УЕФА раҳбарияти Суперлигада қатнашадиган жамоаларни Чемпионлар лигаси ва Европа лигасидан четлатишини маълум қилди.

Муҳим жиҳати шундаки, Европа Чемпионлар лигасининг жорий мавсумида ярим финалга чиққан жамоалар орасидан ПСЖдан ташқари учтаси – “Челси”, “Манчестер Сити” ва “Реал” Суперлигада қатнашишини тасдиқлаган.

Шунингдек, “Арсенал” ва “Манчестер Юнайтед” Европа лигасининг ярим финалида ўйнаши керак эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар