"Интер" бўлажак Пирлони ижарага олмоқчи

"Интер" ярим ҳимоячи Сандро Тонали трансфери бўйича "Брешия"га таклиф билан чиқди.

Милан клуби раҳбарияти Тонали учун 30+5 миллион евро кўринишидаги келишув юборган, бироқ "Брешия" Италиянинг "янги Пирло"си сифатида кўрилаётган ёш иқтидор эгаси трансферидан 50 миллион евро ишлаб олмоқчи.

Шунинг учун "Интер" Тоналини сотиб олиш шарти билан ижарага олмоқчи. Унга кўра, миланликлар футболчининг трансфер пулини икки мавсум бўлиб тўлаб беради.

Олдинроқ, футболчининг ўзи ҳам фаолиятини "Интер"да давом эттириш ниятидалиги хабар қилинган эди.