"Интер" бўлажак суперюлдузни "Барселона"га бермади

"Барселона" клуби раҳбарияти аргентиналик ҳужумчи Лаутаро Мартинеснинг трансфери бўйича "Интер"га аниқ таклиф юборди.

Унга кўра, каталонияликлар 22 ёшли футболчи учун 70 миллион евро ҳамда унга қўшимча тарзда Нелсон Семеду ва Артуро Видалларни таклиф қилган. Бироқ, “нерадзуррилар” ушбу таклифни рад этишган. “Интер” Мартинес эвазига ҳеч қандай футболчисиз нақд 111 млн евро талаб қилмоқда.

Лаутаро Мартинес жорий мавсум “Интер” сафида 31 та ўйинда майдонга тушди ва 16 та гол ҳамда 4 та голли узатма ёздириб қўйишга эришди.