"Интер" Ҳакимини ПСЖга деярли 2 баробар қимматга сотмоқчи
У янги мавсумни Франция чемпионатида бошлаши мумкин.
ПСЖ мавсумлар оралиғида “Интер” ҳимоячиси Ашраф Ҳакимини ўз сафига қўшиб олмоқчи. Бу ҳақда италиялик журналист Никола Скира хабар бермоқда.
Парижликлар 22 ёшли марокашлик футболчини жамоанинг ўнг қанот ҳимоясини сезиларли даражада кучайтира олади деб ҳисоблашмоқда.
ПСЖ Ҳакимига 2026 йилга қадар тузилган шартнома ҳамда йилига 8 миллион евро маош таклиф қилмоқда. Клуб спорт директори Леонардо “Интер” раҳбарияти билан ушбу трансфер масаласида музокаралар олиб бормоқда. “Нерадзуррилар” Ашраф учун 70 млн евро талаб қилмоқда. Ваҳолонки, миланликлар уни бир йил муқаддам “Реал”дан 40 млн еврога сотиб олишган эди.
Ҳакими жорий мавсум А Серияда жами 37 та ўйинда иштирок этди ва ўз ҳисобига 7 та гол ҳамда 8 та голли узатма ёздириб қўйди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар