"Интер" Жеко билан келишувга эришди

"Рома" клуби форварди Эдин Жеко фаолиятини "Интер"да давом эттиришга жуда яқин турибди. Бу ҳақда Corriere dello Sport нашри хабар тарқатмоқда.

Юқоридаги манбаага кўра 33 ёшли босниялик футболчи “нерадзуррилар” билан келишувга эришган. Агар у Милан клубига кўчиб ўтса, унинг йиллик маоши 4 млн еврони ташкил этади. Энди "Интер" раҳбарияти фақатгина "Рома" билан келишиб олса бас. Ушбу трансфер 20 миллион еврога баҳоланмоқда.

Таъкидлаш керакки, Жекога шунингдек ПСЖ, "Фенербахче" ва "Вест Хэм" клубларидан ҳам қизиқишлар мавжуд.

Маълумот учун, Жеко якунланган мавсум “Рома” сафида жами 40та ўйинда майдонга тушди ва ўз ҳисобига 14та гол ҳамда 8та голли узатма ёздириб қўйишга эришди.