"Inter" Lautaro transferi bo‘yicha to‘laqonli boshqaruvni qo‘lga olmoqchi

"Inter" hujumchi Lautaro Martines bilan yangi kelishuv imzolash bo‘yicha muzokaralarni davom ettirmoqda.

Ta’kidlanishicha, milanliklar yangi shartnomada tovon puli bandini olib tashlab, bu orqali u argentinalikning keyingi transferi bo‘yicha to‘laqonli boshqaruvga ega bo‘lmoqchi. Ayni damda futbolchining tovon puli 111 million evroni tashkil qiladi.

Tomonlar o‘rtasida shartnoma joriy yil oxirigacha imzolanishi kutilmoqda.