"Интер" Лукакунинг кетишига тайёрланмоқда

"Интер" клуби раҳбарияти жамоанинг бельгиялик ҳужумчиси Ромелу Лукакунинг кетишига тайёрланмоқда.

Италиялик журналист-инсайдер Николо Скиранинг маълум қилишича, агар Лукаку кетса, “нерадзуррилар” унинг ўрнига “Аталанта” ҳужумчиси Дуван Сапатани сотиб олишади.

Бундан аввалроқ "Челси" Лукаку учун 100 миллион эмас, 120-130 миллион евро таклиф қилишга тайёр экани ҳақида хабарлар тарқалган эди. Агар ушбу таклиф расмий равишда юборилса, катта эҳтимол билан “Интер” кўп ўйлаб ўтирмасдан Ромелуни сотиб юборади.

Дуван Сапата ўтган мавсум “Аталанта” сафида жами 49 та ўйинда иштирок этди. У ушбу учрашувларда ўз ҳисобига 19 та гол ҳамда 12 та голли узатма ёздириб қўйди.