Лондоннинг “Тоттенхэм” клуби ҳимоячиси Ян Вертонген мавсум якунлангач эркин агент сифатида “Интер”га ўтиши мумкин.

The Guardian нашри тарқатган хабарга кўра “шпорлар” 32 ёшли бельгиялик футболчини қишки трансферлар даврида қўйиб юборишни хоҳлашмаяпти. Шунинг учун “нерадзуррилар” уни ёзда, яъни шартномаси якунлангач ўз сафларига қўшиб олишмоқчи.

Айтиш керакки, “Тоттенхэм” ҳамон Вертонген билан шартномани узайтиришига умид қилмоқда. Аммо, улар футболчига узоқ йиллик шартнома таклиф қилишмоқчи эмас. “Интер” эса аксинча, футболчи билан 3 йиллик шартнома имзолашга тайёр.

Маълумот учун, Вертонген жорий мавсум “Тоттенхэм” сафида 9 та ўйинда майдонга тушди.