"Интер" МЮга янги таклиф тайёрламоқда

"Интер" жамоаси "Манчестер Юнайтед"га янги таклиф юбормоқчи.

"Қизил иблислар" италияликларнинг Лукаку борасидаги 70 млн евролик таклифини ради этишган эди.
Милан клуби 26 ёшли форварддан ҳамон умидларини узишмаган ва яна бир бор сотиб олишга уриниб кўради.

Бельгиялик форвард 2018/19 йилги мавсумда, МЮ учун 45 та беллашув ўтказди ва 15 та гол уриб, 4 та голли узатмани амалга оширди.

Лукакунинг клуб билан шартномаси 2022 йилнинг ёзига қадар мўлжалланган.

Маълумот учун, хужумчининг хизматларига "Ювентус" клуби ҳам қизиқиш билдирганлиги хақида хабарлар пайдо бўлган. Турин клуби футболчи учун Паулу Дибалани беришга ҳам тайёр.