"Интер" ўз майдонида қийин ғалабани қўлга киритди

А Серия 23-туридан ўрин олган "Интер" - "Венеция" учрашуви якунига етди. Мазкур баҳсда мезбонлар 2:1 ҳисобида рақибдан устун келди. 

Дастлаб, меҳмонлар футболчиси Анри ҳисобни очди. Биринчи тайм якунига яқин Барелла мувозанатни тиклади. Ўйиннинг асосий вақти тугаган бир пайтда Жеко "нерадзуррилар"га ғалаба келтирган гол муаллифига айланди. 

Шундай қилиб, Инзаги шогирдлари ҳисобидаги очколар сонини 53 тага етказиб олди. Айни вақтда улар Италия чемпионати турнир жадвалида яққол пешқадам ҳисобланади. 18 очкога эга "Венеция" 17-поғонани банд этган.