“Интер” “Реал” футболчисини харид қилиши мумкин

"Реал" ҳимоячиси Альваро Одриосола фаолиятини "Интер"да давом эттириши мумкин. Италиялик журналист Николо Скиранинг хабар беришича, испаниялик футболчининг хизматлари “нерадзурри” раҳбариятига таклиф қилинган.

Аввалроқ, Одриосола трансферга қўйилганди. Футболчи ўтган мавсумни "Фиорентина"да ижарада ўтказди, аммо флоренцияликлар уни тўлиқ сотиб олиш учун етарлича пул топа олмади. “Реал” эса унга асосий таркибдан жой кафолатлай олмайди.

Альваро "Интер"да ўнг қанот ҳимоячиси Дензель Дюмфриснинг ўрнини эгаллаши мумкин. Боиси, миланликлар уни қарзларини тўлаш учун 40 миллион еврога сотмоқчи. Голландиялик футболчига ҳозирда “Челси” ва “Манчестер Юнайтед” клублари қизиқиш билдирмоқда.