"Интер" "Рома" футболчиси билан 2 йиллик шартнома имзолади
"Рома" футболчиси Генрих Мхитарян "Интер" билан 2 йиллик шартномага имзо чекди. Бу ҳақда таниқли инсайдер Никола Скира хабар берди.
33 ёшли арманистонлик ярим ҳимоячи Милан клуби билан 2024 йилга қадар амал қиладиган битимга қўл қўйган. У жамоада йилига 3,5 миллион евро маош олади. Трансфер тез орада расман эълон қилинади.
Маълумот ўрнида, Генрих якунланган мавсум "Рома" сафида А Сериянинг 31 ўйинида 5 гол ва 6 ассист муаллифига айланган.
Фикрлар