"Интер" "Шахтёр"га қарши ўйиндан олдин жиддий йўқотишларга учради

"Интер" клуби Чемпионлар лигаси гуруҳ босқич 2-туридан ўрин олган "Шахтёр"га қарши баҳс олдидан жиддий йўқотишга учради. Бу ҳақда Football Italia нашри хабар тарқатмоқда.

Юқоридаги манбага кўра, ярим ҳимоячи Стефано Сенси ва ҳужумчи Алексис Санчес мушакларидан жароҳат олган. Улар ҳатто Украинага ҳам йўл олмаган, Италияда қолган.

31 ёшли Санчес жорий мавсум “Интер”да 5 та ўйин ўтказди ва 2 та голга ассистентлик қилди. 25 ёшли Сенси “нерадзуррилар” шарафини 3 та ўйинда ҳимоя қилди.

"Шахтёр" - "Интер" учрашуви 27 октябрь куни Тошкент вақти билан соат 22:55 да бошланади.