"Интер" шу кунгача Эриксеннинг трансфери бўйича расмий таклиф олмади

“Интер” раҳбарияти “Сан-Сиро”да кўрсата олмаган Кристиан Эриксендан тезроқ қутилмоқчи.

Бундан аввалроқ, “Тоттенхэм” бир йил олдин 27 млн еврога сотиб юборган даниялик ярим ҳимоячини ижарага олмоқчилиги ҳақида хабарлар тарқалган эди. Бунда ташқари, ПСЖ, “Вест Хэм” ва “Арсенал” каби жамоалардан ҳам қизиқишлар борлиги ҳақида маълум қилинган эди.

Аммо италиялик журналист Фабрицио Романонинг маълум қилишича, “нерадзуррилар” ҳалигача Эриксеннинг трансфери бўйича бирорта ҳам расмий таклиф олмаган.

Кристиан Эриксен жорий мавсум “Интер” сафида жами 12 та ўйинда майдонга тушди.