"Интер" "Хетафе"ни ишончли тарзда мағлуб этди

УЕФА Европа Лигаси нимчорак финалидан ўрин олган "Интер" ва "Хетафе" ўртасидаги баҳс ўз якунига етди. Унда "неррадзурилар" 2:0 ҳисобида ишончли ғалабага эришди. Голларга Ромелу Лукаку ва Кристиан Эриксен муаллифлик қилди.

Эътиборлиси, ҳисоб 1:0 бўлиб турганида испанияликлар пенальти тепиш имконига эга бўлдилар. 11 метрлик нуқтага яқинлашган Хорхе Молина ноаниқ зарба берди. 

Энди "Интер" "Байер" ва "Рейнжерс" баҳси ғолибига қарши чорак финалда кураш олиб боради.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'

  "Интер" сўнгги дақиқаларни ҳимояда ўтказмоқда.

• 90+'
  

  Учрашув асосий вақтига 6 дақиқа қўшиб берилди.

• 90'
  

  Дамиан Суаресга сариқ карточка кўрсатилди.

• 89'

  Санчес қулай имкониятга чиқиб борди ва дарвозабоннинг устидан тўпни ташлаб қўйишни мақсад қилди. Бироқ зарба хато кетди.

• 88'
  

  Оливейра ўрнига Портильо, Арамбарри ўрнига Дуро майдонга тушди.

• 87'

  "Интер" ҳотиржамлик билан тўпни назорат қилмоқда.

• 84'
  

  Дамброзио ўрнида Бираги ҳаракат қилади.

• 83'
  

  ГОООООООООООООООЛЛЛЛЛЛЛЛ!!! Эриксен майдонга тушиши билан гол урмоқда. Ўзи бошлаган ҳужумни ўз якунига етказди.

• 81'
  

  Брозович ўрнига Эриксен майдонга тушяпти.

• 80'

  Янгнинг айёрона узатмасини Давид Сориа ушлуб олди. Акс ҳолда...

• 79'

  Барелла рақиб ҳимоячиларининг қўпол хатосидан сўнг тўпни эгаллаб олиб, уни Лукакуга етказиб берди. Бельгиялик форвард бўш қолган дарвозани ишғол қила олмади.

• 76'
  

  Молина пенальтидан унумли фойдалана олмади. Тўп ноаниқ кетди. Ханданович йўналишни ҳам топган эди.

• 74'
  

  Энтони Тейлорнинг ўзи ВАРни кўргач пенальти борлигини аниқлади. Тўп қўл билан ўйналган.

• 73'

  "Интер" дарвозасига пенальти белгилаш масаласи ВАРда кўриб чиқилмоқда.

• 70'
  

  Лаутаро ўрнига Санчес майдонга тушди.

• 68'
  

  Хорхе Молина Мата ўрнига майдонга тушди. Йасон эса Ньомни алмаштирди.

• 66'
  

  Қанотдан узатилган тўпга Мата берган зарба ҳам, Хандановичнинг сейви ҳам чиройли чиқди.

• 65'

  Анхель тепган тўпга аниқлик етишмади. Футболчи шериги узатган тўпга тайёргарликсиз зарба берди.

• 64'

  Барелла узатган тўп нимани кўзлаганини футболчининг ўзидан бошқа ҳе ким билмаса керак.

• 61'

  Ҳаводан етказиб берилган тўп ҳеч кимга насиб этмади.

• 60'

  Кукурелья ўз жарима майдони ёнгинасида Лукакуга нисбатан қоидани бузди. Хавфли стандард.

• 56'
  

  Максимович ўрнига Анхель майдонга тушди.

• 55'

  Ҳаммаси жойида Лукаку ўйинни давом эттиради.

• 54'

  Лукаку майдонга ноқулай йиқилди. Унга шифокорлар ёрдами керак.

• 51'

  "Хетафе" бошқача йўллар билан "Интер" дарвозасига хавф солиб кўриши керак. Уларнинг узун паслари Годиндек улкан тажрибага эга ҳимоячилар учун муаммо туғдирмаяпти.

• 49'
  

  "Интер"нинг кетма-кет икки бурчак зарбаси бесамар якунланди.

• 48'

  Барелла узоқ масофадан зарбе бериб кўрди. У тепган тўп ҳимоячилардан бирига тегиб майдонни тарк этди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  Биринчи бўлимга 1 дақиқа қўшиб берилди.

• 43'

  "Интер" ўйинни ўз жарима майдони олдидан узоқлаштира олди.

• 40'
  

  "Хетафе"нинг навбатдаги бурчак зарбаси бесамар кетди. Узатилган тўп ҳеч кимга тегмасдан майдонни тарк этди.

• 37'

  "Хетафе" ҳимоячилари ўз яриммайдонларида кўп хатога йўл қўймоқдалар. Жамоа ҳужумлари ҳам ўхшамай қолди.

• 33'
  

  ГОООООООООООООООООЛЛЛЛЛЛЛЛЛЛЛЛ!!! Лукаку ажойиб тарзда ҳисобни очди. Ўз ярим майдонидан узатилган тўпни бельгиялик зарб билан дарвозанинг ўнг бурчагига жойлаб қўйди.

• 32'

  Устунлик тўлиқлигича "Интер"га ўтиб кетди.

• 28'

  Брозович 35 метрлар масофадан жарима зарбасини ичкарига етказиб берди. Дамброзио унга оёғини қўйишга эришди. Сориа бунга тайёр турган экан.

• 27'
  

  Гальярдини узатган тўпни Лаутаро узоқдан рақиб дарвозасига йўллади. Сориа тўпни қийинчилик билан қайтарди.

• 25'
  

  "Хетафе" футболчилари ўз яриммайдонларида тўпни олдириб қўйишди. Лаутаро тўп билан бўш ҳудудга чиқиб бориб, зарба берди. Дарвозабондан ажойиб сейв.

• 23'

  Кукурелья дриблинглари билан ажралиб турибди.

• 20'

  Арамбаррининг узатган тўпини Ханданович эгаллаб олди.

• 18'

  Чап қанотда Кукурелья фаоллик билан тўпни жарима майдонига узатди. Мата эса яхши вазиятдан фойдалана олмади. Хавфли вазиятлар бўйича: 0:6, "Хетафе" фойдасига.

• 15'

  Ньом ўзини босиб олмаса бўлмайди. Қўполликлар кўпайиб кетяпти.

• 12'

  Ньом Гальярдинига нисбатан жуда қўпол ўйнади. Энтони Тейлор бу гал аяди.

• 10'
  

  "Хетафе"нинг кетма-кет икки бурчак зарбаси хавфли кўриниш олди. Бироқ миланликлар бахтига якуний зарба бера оладиган футболчи топилмади.

• 8'

  "Хетафе"нинг ўнг қаноти жуда фаол.

• 5'

  "Интер" ҳимояланишга мажбур. "Хетафе" кучли босим ўтказмоқда. 

• 2'
  

  Максимович ўнг қанотдан узатилган тўпни дарвозага боши билан йўллади.  Ханданович ўз ўрнида ажойиб ҳаракат қилиб, жамоасини муқаррар голдан қутқариб қолди.

• 1'

  Дастлабки дақиқадаёқ "Хетафе" ҳужумга ўтди. Матанинг оёғи шериклари узатган тўпга етмади.

• 1'
  

  Ўйин бошланди!

• 0'

  УЕФА турнирлари аввал хабар қилинганидек, бир дақиқалик сукут билан бошланмоқда.

• 0'

  Жамоалар майдонга тушиб келишди.