"Интрига чўққига чиқмоқда"

Англия Премьер Лигасининг қолдирилган 19-тур ўйини ўтказилди. "Ливерпуль" ўз майдонида "Лидс"га жавобсиз 6та гол уришга эришди. Шарҳловчи Даврон Файзиев "Телеграм" каналида ушбу баҳс ҳақида қуйидаги фикрларни билдириб ўтди.

"Ортиқча таърифга хожат йўқ. Ҳисоб ўзи айтиб турибди. "Ливерпуль" "Лидс"ни йўқ қилиб ташлади, 6:0. Салаҳ ва Манеда дубль, иккита марказий ҳимоячи Ван Дейк ва Матип биттадан уришди.

"Ливерпуль" ўша битта кам учрашувини ўтказди ва энди "Сити" билан ўйинлар сони тенг. Орадаги фарқ эса 3 очкогача қисқарди. Интрига чўққига чиқмоқда. Олдинда ўзаро ўйин ҳам бор", - дея ёзиб қолдирди Файзиев.