Иржи Прохазка: "Ярим оғир вазн тоифаси менинг дивизионим"

Ярим оғир вазн (93 кг) тоифасида собиқ UFC чемпиони Иржи Прохазка (29-3-1) 11 ноябрь куни Нью-Йоркдаги “UFC 295” турнирида Aлекс Перейра (8-2) билан бўлиб ўтадиган чемпионлик жанги ҳақида гапирди.

“Ҳар доимгидек, мен ғалаба қозониш учун ҳамма нарсани қиламан. Ушбу жангда октагон менинг ҳудудим эканлигини ва мен энг яхши “стойка” жангчиси эканлигимни кўрсатмоқчиман. Ярим оғир вазн тоифаси менинг дивизионимдир”, - дея MMA News нашри Прохазкани сўзларидан иқтибос келтирмоқда.

Эслатиб ўтамиз, Прохазка ўтган йилнинг охирида ихтиёрий равишда титулдан воз кечган. У елкасидан жароҳат олганлиги сабабли чемпионлик камарини ўзида ушлаб турмасликка қарор қилган.