Ироқ U-23 бош мураббийи: "Ўзбекистон битта кўп бўлиб ҳаракатланмоқда"
Бугун соат 21:00 да 23 ёшгача бўлган футболчилар ўртасида Осиё кубоги чорак финал баҳслари давом эттирилади. Иккинчи баҳс Ўзбекистон ҳамда Ироқ терма жамоалари ўртасида бўлиб ўтади.
Мазкур ўйин олдидан Ироқ олимпия терма жамоаси бош мураббийи Мирослав Сокуп қисқача ўз фикрларини билдириб ўтди.
"Чорак финалга чиққанимиздан хурсандмиз. Учта оғир ўтган ўйиндан сўнг кейинги босқичда эканимизни кўриш ажойиб.
Ўзбекистон битта кўп бўлиб ҳаракатланмоқда (кулади). Уларни мухлислар жуда зўр қўллаб-қувватламоқда. Биз билан бўладиган баҳсда ҳам шундай бўлса, ҳайрон қолмайман.
Футболчиларимнинг барчаси Ватан учун майдонга тушади. Биз анча йиллик муваффақиятсиз иштирокдан сўнг ярим финалга чиқишни хоҳлаймиз. Мухлисларимиз ва Ватанимиз учун кубокни олиб боришни истаймиз", - деди мутахассис.
Фикрлар