Исак "Ньюкасл" раҳбариятининг ҳаракатларидан норози

"Ливерпуль" ҳужум чизиғини кучайтириш ниятида ва клуб нишонига "Ньюкасл" форварди Александр Исак тушган эди.

Мерсисайдликлар 25 ёшли Исак учун 120 миллион фунт (тахминан 138 миллион евро) таклиф қилlb. Бироқ, "Ньюкасл" раҳбарияти рад жавобини берди. Сабаби, улар шведни ўз сафларида сақлаб қолишни хоҳлашди.

"Daily Express" нашрининг хабарига кўра, Исак клубнинг ҳаракатларидан норози. "Ньюкасл" "Ливерпуль" таклифини нафақат рад этди, шу билан биргаликда унинг маошини ҳам оширгани йўқ. Шартномани узайтириш бўйича музокаралар боши берк кўчага кириб қолди. Аввалроқ, Исакка ҳафтасига 130 минг фунтлик катта маош ваъда қилинган эди.