Ислом Махачев Иан Гаррига қарши жангдан сўнг фаолиятини якунлайди(ми?)

UFC шарҳловчиси Жо Роган ирландиялик Иан Гарри билан жанг амалдаги чемпион Ислом Махачев учун фаолиятидаги сўнггиси бўлишини тахмин қилмоқда.

"Шу дам олиш кунлари Ислом фаолиятини тугатиши мумкин. Чунки у аллақачон жуда кўп нарсага эришиб бўлди. Икки вазн тоифасида чемпионга айланди. Агар у Гаррини ҳам мағлуб этса, "Менга етарли, энди Хабиб каби ҳаракат қилмоқчиман" дейиши мумкин. Шунда Майкл Моралес ва Карлос Пратес вакант унвон учун жанг қилишига тўғри келади", - деди Роган ўзининг подкастида.

Эслатиб ўтамиз, Махачев ва Гарри тўқнашуви 16 август куни "UFC 330" турнирида ўтказилади.