Исломбек Исмоилов: "Қасос учун майдонга тушмаймиз" (тўлиқ матбуот анжумани)

15 март куни Андижонда Камолиддин Тожиев бошчилигидаги "Пахтакор" Ўзбекистон Суперкубоги учун Исломбек Исмоилов бошқарувидаги "Нефтчи" билан куч синашади. Мазкур тўқнашувдан олдин ташкил этилган матбуот анжуманида фарғоналиклар мураббийи Исломбек Исмоилов ва жамоа сардори Анваржон Ғофуров қатнашиб, ўз фикрлари билан ўртоқлашди ҳамда қизиқарли саволларга жавоб берди.

Исломбек Исмоилов: "Эртанги ўйинга етарлича тайёргарлик кўрдик. Асосан финалларда тактикадан кўра, футболчиларнинг характери асосийга ролга чиқади". 
 
Анваржон Ғофуров: "Авваламбор Ассалому Алайкум. Эртанги ўйинга максимал тайёрмиз. Худо Хоҳласа, эртага мураббийларимизнинг кўрсатмаларини амалга оширишга ҳаракат қиламиз". 
 
"Нефтчи" таркибида етарлича сифатли ўйинчилар кўп. Айниқса, ҳужум чизиғида Суперлиганинг исталган клубида ўйнаши мумкин бўлган футболчилар бор ва улар "Нефтчи"нинг захирасида қолиб кетмоқда. Бу сизга қандайдир муаммолар келтириб чиқармаяптими? 
 
"Албатта, ҳар бир мураббий ўз жамоасига шундай савияли футболчилар бўлишини хоҳлайди. Бу ёқимли бош-оғриқ. Биз футболчиларнинг барчаси билан доимий равишда суҳбат олиб борамиз ва тушунтирамиз. Ҳар бир ўйинчига вазиятдан келиб чиқиб, имконият беришга ҳаракат қилиб боряпмиз. Менинг футболчиларим ҳам профессионал. Улар ҳам бу ерга келишдан аввал бу ердаги ҳолатни билган, ўрганган ва рақобатга тайёр бўлиб келган. Менимча, бу жамоани кучайишига ёрдам беради". 
 
Биламиз, катта финалларда дастлабки дақиқаларда ҳисобни очиш жуда муҳим ҳисобланади. Сиздаги режалар қандай? Босим ўтказиб, гол уриб олишми ёки эҳтиёткорлик билан ҳаракат қилишми? 
 
"Албатта, ҳар бир жамоа тезроқ гол уришга ҳаракат қилади. Биз ҳам шундай режадамиз. Агар дастлабки дақиқаларда гол уриб оладиган бўлсак, бу бизга катта устунлик беради". 
 
Икром Алибоев эртанги ўйинга тайёрми? 
 
"Икром Алибоев эртанги учрашув учун 100 фоиз тайёр". 
 
"Пахтакор" билан ўйинлар ҳар доим шиддатли бўлади. Жамоанинг эртанги ўйиндаги устунлиги деб нимани келтира оласиз? 
 
"Жамоани айнан "Пахтакор" билан солиштириб, устун томонларини айтиш нотўғри бўлади. Лекин ҳозир таркимиз яхши, муҳит ҳам ажойиб. Бундан ташқари, сўнгги муваффақиятлардан сўнг ўзимизга бўлган ишонч анча ошди. Шунинг учун эртанги ўйин учун 100 фоиз тайёрмиз ҳамда рақибга нисбатан ўзимизнинг устунлик томонларимиздан фойдаланишга ҳаракат қиламиз". 
 
Эртанги ўйинда ҳужумкор ўйнайсизларми ёки ҳимоявийми? 
 
"Доимий равишда ҳужумкор ўйнашни иложи йўқ. Жамоа айрим вазиятларда ҳужумга ўтади, айрим жабҳаларда эса ҳимояда ўйнайди. Ҳужум ва ҳимоя футболнинг ажралмас қисмидир. Биз иккисида ҳам аниқ ўйнашга ҳаракат қиламиз". 
 
Сўнгги ўйинларда "Нефтчи" "Пахтакор"га имкониятни бой бермоқда. Бу эртанги баҳсда реванч ҳисини уйғотмайдими? 
 
"Биз ҳеч қайси учрашувда қасос учун майдонга чиқмаймиз. Аксинча, сифатли ўйин намойиш этиш учун ҳаракат қиламиз. Бизда ҳеч қандай қасос деган тушунча йўқ". 
 
Жамоа эртага "Пахтакор"нинг ижодкор футболчиларини индивидуал ҳимоялашни режалаштиряпсизми? 
 
"Биз ҳар бир футболчига алоҳида эътибор берамиз, лекин персонал тарзда ҳимоя қилмаймиз. Жамоавий ўйнаймиз. Яъни айнан қайсидир футболчини қўриқламаймиз". 
 
"Пахтакор"ни ўрганиш жараёни қанчалик қийин бўлди, бу сўнгги беллашувдан чиқиб қилинмагандир? 
 
"Биз жамоанинг сўнгги ўйинига қараб ўрганмаймиз. Пахтакорнинг сўнгги 5 та ўйинини кўриб чиқамиз, ўтган мавсумдаги сўнгги 2 та ўйини, бу мавсум Суперлигадаги 3 та ўйинини кўриб чиқдик. Бу албатта осон жараён эмас, шунингдек, жуда катта вақт ва диққат талаб қиладиган иш. Айтганингиздек, Навбаҳорга қарши ўйинидан келиб чиқиб режа тузмадик". 
 
Икром Алибоев 100 фоиз тайёр бўлса, кимни ўрнига майдонга туширасиз? 
 
"Балки, Икром Алибоев ўнг қанотда ўйнар, шунча футболчига жой топяпмиз, Алибоевга ҳам топамиз". 
 
Жамоа Суперкубокка тайёр, футболчи сифатида клуб қанчалик тайёр, ўз фикрларингиз билан ўртоқлашинг. 
 
Анваржон Ғофуров: "Албатта, бу финал, ҳаяжон бўлиши аниқ. Кайфиятимиз ҳам яхши, ўйинга ҳам тайёрмиз". 
 
"Нефтчи" ўтган мавсумнинг 2 баҳсида ҳам мағлуб бўлган эди, Бу эртанги беллашувида қандайдир қўрқув бўлмайдими? 
 
Анваржон Ғофуров: "У ўтиб кетган ўйин, биз у ҳақида унутамиз. Бу финал ва биз бунга ўзига яраша тайёргарлик кўрдик. Шунинг учун бор кучимиз билан ҳаракат қиламиз ва мухлисларимизни хурсанд қиламиз".

"Нефтчи" ушбу ўйинга ички чемпионатдаги 100 фоизлик натижа билан келмоқда. "Пахтакор"да эса муаммолар бўлмоқда. Бу футболчиларда қандайдир xотиржамлик туғдирмасмикин? 
 
"Бу футболчилар гаплашганмиз, етарли даражада жанговарлик руҳида тайёрландик. Аксинча, биз Суперлигадаги ўйинларга қараганда кучлироқ тайёрландик. 
 
Финалда исталган натижа қайд этилиши мумкин. Шунингдек, бўлажак ўйинда фаворит йўқ. Шундан келиб чиқиб ким кўпроқ хоҳиш истак билан ўйнаса, ўша ғалаба қозонади!".