Испания - Франция учрашувининг энг яхши футболчиси аниқланди

"Евро-2024" ярим финалидан ўрин олган Испания - Франция баҳси бўлиб ўтди. Унда "Қизил Фурия" 2:1 ҳисобида рақибдан устун келди. 

Беллашувнинг 8-дақиқасида Коло-Муани ҳисобни очди. 21 ва 25-дақиқаларда эса Ямал ҳамда Ольмо гол уриб, Испанияни ҳисобда олдинга олиб чиқди ва мазкур ҳисоб беллашув якунигача ўзгармади. 

Шу тариқа, Де Ла Фуенте шогирдлари финал йўлланмасини қўлга киритди. 

Ушбу учрашувнинг энг яхши футболчиси деб Ламин Ямал эътироф этилди. Испаниялик вингер ҳисобни тенглаштирувчи гол муаллифига айланди ва ўз қанотида актив футбол намойиш этди.