Испания ҳакамлар қўмитаси жорий мавсум Ла Лигада 10 та хатога йўл қўйилганини аниқлади

Испания Ла Лигаси ҳакамлар қўмитаси жорий мавсум 17-18-тур якунларига кўра ҳакамлар ва VAR тизимининг 10 та хатосини аниқлади. Бу ҳақда Marca хабар бермоқда.

Энг кўп хатолар Мадриднинг "Атлетико" клуби фойдасига қайд этилди - иккита.

Битта хато "Барселона" фойдасига ҳал бўлди. "Мальорка"га қарши ўйинда (3:0) каталонияликлар майдонда ётган ҳимоячининг бошига тўп текканидан кейин иккинчи голни уришди. Бу ҳолда ўйинни тўхтатиш керак эди.

"Реал" билан ҳам битта хато қайд этилди. "Реал Сосьедад" клуби билан ўйинда (2:1) ҳакам Дин Хаусенга қизил эмас, сариқ карточка кўрсатиши керак эди.

Ҳакамларнинг тўғри қарорларига келсак, Ла Лигада "Барселона" иштирокидаги ўйинларда иккита қарор қабул қилинди. Улардан бири "блауграна" фойдасига - "Бетис" ҳимоячиси Марк Бартра қўли билан ўйнаган пенальти. Иккинчи қарор "Барса"га қарши бўлди - "Осасуна" билан ўйинда Ферран Торреснинг бекор қилинган голи.