Испания кубоги. "Мадрид дербиси"да "Реал" ғалаба қозониб, ярим финалга йўл олди

Испания кубогининг чорак финалидан ўрин олган "Реал" - "Атлетико" баҳси якунланди. Ўйинда "қаймоқранглилар" камбэк амалга ошириб, кейинги босқичга  йўл олди.

Дастлаб, Мората 19-дақиқада ҳисобни очди. 79-дақиқада захирадан майдонга тушган Родриго гол уриб, жамоасини мағлубиятдан қутқарди. Қўшимча таймларда эса "матрасчилар" бир киши кам бўлиб қолди. Қолган дақиқаларда Карим Бензема ва Винисиус гол уриб, ҳисобни 3:1 кўрнишига олиб келди.

Шу тариқа, "Реал" Испания кубогининг ярим финалига чиқди. Турнирда "Осасуна", "Атлетик" ва "Барселона" ўз юришини давом эттирмоқда.