Испания кубоги. "Севилья" - "Барселона": Учрашувда ҳисоб очилди! (Матнли трансляция)

Ассалому алайкум, муҳтарам футбол ихлосмандлари. Испания кубоги ярим финал босқичидан ўрин олган "Севилья" - "Барселона" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+3'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+2'
  

  "Барса" футболчилари яна бир бурчак зарбасидан наф чиқара олмади.

• 90'
  

  Ўйиннинг асосий вақтига 3 дақиқа қўшиб берилди.

• 88'

  Сўнгги дақиқаларни каталонияликлар фаол ўтказмоқда.

• 85'
  

  ГООООООООООООЛЛЛЛЛЛЛЛЛЛЛ! "Севилья" ҳисобни ишончли кўринишга келтирди!

  Ракитичнинг аниқ зарбаси олдида Тер Штеген ожиз қолди.

• 84'
  

  Рақибга нисбатан қўполлик ишлатган Алеиш Видаль сариқ карточкага лойиқ кўрилди.

• 83'

  Каталонияликлар қисқа узатмалар билан рақиб ҳимоясидаги бўшлиқни қидирмоқда.

• 80'
  

  Хуан Жордан ўз ўрнини Неманья Гуделга бўшатиб берди.

• 77'
  

  Куман шогирдлари бурчак зарбасидан унумли фойдалана олмади.

• 74'

  Мессининг бу сафарги уринишини ҳам ҳимоячилар дарвозагача ўтказмади.

• 72'

  Ҳисоб тенглашиши мумкин эди: Мессининг зарбасидан кейин тўп чар устунга тегди.

• 70'
  

  Лопетеги ўйинга ўзгартириш киритмоқда: Эн-Несири, Эскудеро ва Гомес ўрнига Люк де Йонг, Эль-Хаддади ҳамда Рекик ўйинни давом эттиради.

• 69'

  Жарима тўпидан Месси узатма амалга оширди. Бу сафар ҳам каталонияликлар вазиятдан хавф чиқара олмади.

• 66'
  

  Рақибга нисбатан ишлатилган қўполлик учун бу сафар Серхио Эскудеро огоҳлантирилди.

• 64'
  

  Жордан ҳакамга эътироз билдиргани учун огоҳлантирилди.

• 61'
  

  Лопетеги шогирдлари бурчак зарбасидан унумли фойдалана олмади.

• 60'

  Дембеленинг узатмасига шериклари ета олмади. Меҳмонлар эркин зарба билан тўпни ўйинга киритиб беради.

• 57'

  Қанотдан жарима майдонига оширилган яна бир узатмани меҳмонлар дарвозабони узоқлаштирди.

• 55'
  

  Лионель Месси хафл зарба йўллади. Аммо дарвозабон чап бурчакка учиб келаётган тўпни қайтариб юборди.

• 53'

  Юссеф Эн-Несири соло юриш амалга оширди. Бироқ рақиб ҳимоячилари уни тўхташга мажбур қилди.

• 51'

  Биринчи таймдаги сценарий такрорланмоқда: "Севилья" футболчилари жарима майдонига узатилган барча тўпларни зарарсизлантиряпти.

• 49'

  Мессининг уриниши ҳимоячилар томонидан блокланди.

• 48'

  Андалусияликлар тўпни яхши назорат қилмоқда. "Барса" тўпни олиб қўйишга қийналяпти.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи таймга 1 дақиқа қўшиб берилди.

• 43'

  Тайм сўнгини Лопетеги шогирдлари тўп назорати билан ўтказмоқда.

• 40'

  Ҳар икки жамоа вакиллари жарима майдони ичида нима қилишини билмай қоляпти. Аксарият узатмалар рақиб футболчилари томонидан қайтарилмоқда.

• 37'

  Кунденинг узатмаси Видаль учун кучлилик қилди. Дарвозабон эркин зарба билан тўпни ўйинга киритиб беради.

• 35'

  Алехандро Гомеснинг узатмасини шериклари қабул қила олмади. Дарвозабон тўпни ушлаб олди.

• 34'

  "Кўк-анорранглилар"нинг рақиб жарима майдони томон узатаётган барча тўплари муваффақиятсиз якунланмоқда.

• 31'

  Серхио Эскудеро рақибига нисбатан бироз қалтис ҳаракат қилди. Ҳакам оғзаки огоҳлантириш билан чекланди.

• 28'

  Дембеленинг бу сафарги уриниши ҳам ҳимоячилардан ўтмади. Андалусияликлар бугун яхши ҳимояланмоқда.

• 27'

  Гол ўтказиб юборган каталонияликлар олдинга ўтишни бошлади.

• 25'
  

  ГОООООООООООООООООЛЛЛЛЛЛЛЛЛЛ! "Севилья" сокинликка нуқта қўйди!

  Индивидуал техника намойиш этган Жюль Кунде аниқ зарбаси билан рақиб дарвозабонини ожиз қолдирди.

• 24'

  Қанотдан жарима майдони томон узатилган тўпни мезбонлар посбони эгаллаб олди.

• 22'

  Дембеленинг узатмасидан кейин ўз омадини синаб кўрган Месси мўлжалда адашди. Тўп устун ёнгинасидан ўтиб кетди.

• 19'

  Жамоадошидан аниқ узатма қабул қилиб олган Жюль Кунде дарвозани нишонга олди. Бироқ ноаниқ.

• 17'

  Ўз қанотида фаоллик намойиш этган Альба жарима майдонидаги шерикларини тўп билан таъминламоқчи бўлди. Аммо ҳимоячилар тўпни узоқлаштирди.

• 14'

  Серхио Эскудеро ҳужумда қоида бузди. Ҳакам ўйинни тўхтатди.

• 13'

  Ракитичнинг зарба дарвозагача етиб бормади. Ҳимоячилар тўп йўлига блок қўйишни уддалади.

• 11'
  

  Жарима майдони ичида тўпни қабул қилган Месси пастки ўнг бурчакка зарба берди. Дарвозабон яхши ҳаракат қилиб, тўпни қайтарди.

• 10'

  Бу сафар Педри де Йонг томон бироз кучли пас оширди. Ҳозирча, футболчилар майдонда бир-бирини тўлиқ тушуниб ҳаракат қила олганича йўқ.

• 7'

  Жамоадоши оширган тўпга Фернандо ета олмади. "Севилья"нинг яна бир уриниши бесамар якунланди.

• 5'

  "Севилья" футболчилари дастлабки дақиқалардан тўп назоратини қўлга олишга интилмоқда.

• 3'

  Хуниор Фирпо жарима майдонига узатма амалга оширди. Бироқ ҳимоячилар хавфни бартараф этди.

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.