Испания суперкубоги: "Реал" - "Атлетик": Матнли трансляция

Ассалому алайкум, муҳтарам футбол ихлосмандлари. Испания Суперкубоги ярим финал учрашувини бўлиб ўтади. Майдонда "Реал" ва "Атлетик" жамоалари ўзаро кураш олиб боради. Ушбу баҳс матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

90+9. Учрашув якунланди. Матнли трансляция Жавоҳир Азимов томонидан олиб борилди!

90+8. Йўқ! Ҳакам вазиятни тўп учун одатий кураш деб топди.

90+7. Рефери бироз олдинги вазият бўйича ВАРга мурожаат қилди. Рамосга нисбатан қоида бузилган бўлиши мумкин.

90+6. Ферлан Менди жамоасининг сўнгги ҳужумини ноаниқ зарбаси билан якунлади.

90+4. Жарима майдони ичига оширилган тўпга Рамос ета олмади. Яна бир ҳужум бесамар якунланди.

90+3. Винисиуснинг оддий вазиятдаги техник хатоси жамоасининг ҳужуми барбод бўлишига сабаб бўлди.

90+1. Каземиро жарима майдони ичида рақибини усталик билан зарарсизлантирди.

90. Ўйиннинг асосий вақтига 6 дақиқа қўшиб берилди.

88. Карим Бензема ўз ўрнини Мариано Диасга бўшатиб берди.

87. Серхио Рамоснинг бош билан йўллаган зарбаси устун ёнгинасидан ўтиб кетди.

84. Сариқ карточка! Тезкор қарши ҳужумга ўтаётган Асенсиони тўхтатган Дани Гарсия огоҳлантирилди.

83. Сариқ карточка! Тони Кроос огоҳлантирилди.

82. Бенземанинг голи инобатга олинмади. Карим бу сафар ҳақиқатан воқеалар ривожидан илгарилаб кетганди.

80. Сейв! Ҳозиргина майдонга тушган Вильялибре бирга-бир вазиятдан зарба берди. Куртуа хавфни бартараф этди.

79. Баленсиага ва Гарсия захирага олинди. Улар ўрнига Морсильо ҳамда Вильялибре ўйинни давом эттиради.

77. "Реал" катта иштиёқ билан олдинга интилмоқда. Сўнгги дақиқалар бизга катта интрига ваъда қиляпти.

75. ГООООООООООЛЛЛЛЛЛЛ! Видеотакрорлардаги ёрдамчилари билан маслаҳатлашган ҳакам майдон марказига ишора қилди.

74. Бир дақиқа! Рефери ВАРга мурожаат қилмоқда.

73. Офсайд! Бенземанинг катта қийинчилик билан киритган голи ўйиндан ташқари ҳолат туфайли инобатга олинмади.

71. Икер Муньяин ўз ўрнини Алекс Беренгерга бўшатиб берди.

69. Марко Асенсиодан омад юз ўгирмоқда. Унинг бу сафарги "пушка" зарбаси тўсинни титратди, холос.

68. Меҳмонлар сафида Весга ҳамда Лекуэ Венседов ва Капани алмаштирди.

67. Азар ва Модрич ўрнига Винисиус ҳамда Вальверда майдонга тушди.

67. Икер Муньяинга тиббий ёрдам кўрсатилмоқда.

66. Зидан шогирдлари анча фаоллашди. Бироқ уларга ҳужумга сўнгги нуқтани қўйишда омад кулиб боқмаяпти.

64. Кроос жарима майдони ташқарисидан ўз омадини синаб кўрди: тўп ҳимоячилар томонидан қайтарилди.

62. Асенсионинг навбатдаги зарбасидан сўнг тўп устундан қайтди. Марко ўта қулай имкониятни голга айлантира олмади.

60. Бильбаоликлар марказдаёқ рақибни тўпсиз қолдирмоқда. Эрта прессинг ўз самарасини беряпти.

58. Асенсионинг чиройли траектория олган зарбасига бироз аниқлик етишмади.

56. Сариқ карточка! Қарши ҳужумга ўтаётган Азарни қоида бузиш эвазига тўхтатган Андер Капа огоҳлантирилди.

54. Икер Муньяиннинг бош билан йўллаган зарбаси бироз ноаниқ кетди. Акс ҳолда, мадридликлар голни яқин ракурсдан томоша қилишига тўғри келарди.

52. Васкеснинг узатмасидан кейин Азар тўпга ета олмади.

50. Жарима майдони яқинида Менди йиқилиб тушди. Ҳакам вазиятга ортиқча эътибор қаратмади.

48. Мадридликлар яна тўпни ўз назорати остида ушлаб турибди. Бироқ бу ҳеч қандай фойда келтирмаяпти.

46. Иккинчи тайм бошланди!

46. Бўлимлар оралиғида Зидан ўзгариш амалга оширди: Варан ўрнига Начо майдонга тушди.

46. Футболчилар майдонга қайтди. Биз ҳам қайтамиз.

45. Биринчи бўлимга вақт қўшилмади. Танаффус!

45. Иньяки Уильямс бирга-бир вазиятга чиқиб борди. Бироқ ҳакам офсайд сабабли ўйинни тўхтатди.

43. Сейв! Крооснинг узоқ масофадан берган зарбасини Унаи Симон эгаллаб олди.

42. Вараннинг ҳимоядаги ишончли ҳаракат туфайли, "Атлетик"нинг хавфли ҳужуми тўхтатилди.

40. Васкес қулай имкониятни кўкка совурди. У Модричнинг узатмасидан кейин тўпни дарвозага йўллай олмади.

38. ГООООООООООООЛЛЛЛЛЛЛЛЛ! Тўп қаршисига келган Рауль Гарсия ҳисобни ишончли кўринишга келтирди.

37. Сариқ карточка! Лукас Васкес огоҳлантирилди.

37. Пенальти! Жарима майдони ичида Лукас Васкес рақибига нисбатан қоида бузди. Ҳакам нуқтага ишора қилди.

34. Зидан шогирдлари марказда тўпни назорат қилмоқда. "Атлетик" бундан ортиғига имконият бермаяпти.

31. Асенсионинг зарбаси ноаниқ кетди.

30. "Қаймоқранглилар" рақиб жарима майдонига киришда катта қийинчиликка дуч келяпти. Натижада, аксарият ҳужумлар муваффақиятсиз якунланмоқда.

28. Азар жарима майдони марказига тўп узатди. Лекин жамоадошларидан ҳеч ким тўпни қабул қилишга тайёр эмасди.

27. Сейв! Муньяиннинг зарбасидан кейин Куртуа тўпни ушлаб олди.

26. Асенсионинг зарбасидан кейин тўп у кутганчалик айланмади.

25. Мадридликларнинг ўнг қаноти ҳозирча, фаолроқ кўринмоқда.

23. Рауль Гарсиянинг узоқ масофадан берган кучли зарбаси бироз ноаниқ кетди.

22. Жарима майдонига оширилган тўпга "Атлетик" футболчилари ета олмади.

20. Гол ўтказиб юборган мадридликлар ҳужум уюштиришда давом этмоқда. Бироқ улар хавф туғдира олмаяпти.

18. ГООООООООООЛЛЛЛЛЛЛЛ! Уильямснинг узатмасидан кейин қулай имкония ҳосил қилган Рауль Гарсия ҳисобни очди!

17. Сейв! Тони Крооснинг жарима майдонига узатган тўпини Рамос дарвозага йўллади. Дарвозабон ўз ўрнида.

16. Марко Асенсиога нисбатан ишлатилган қўполлик учун "қаймоқранглилар" стандарт вазиятга эга бўлди. Тўп қаршисида доимгидек Кроос.

14. Мадридликлар майдон марказида тўпни назорати қиляпти.

12. Эден Азар бу сафар яқин масофадан зарба бера олмади. Ҳимоячилар унга ҳалал беришни уддалади.

10. Сейв! Азарнинг жарима майдони ташқарисидан йўллаган зарбасини дарвозабон қайтарди.

9. Икки рақиби қуршовида қолиб кетган Уильямс тўпни йўқотди.

7. Номинал меҳмонлар эрта прессинг уюштириб, рақибни тўпсиз қолдиришга ҳаракат қилмоқда.

5. Илк зарба мадридликларда: Модричнинг уриниши аниқ, аммо кучсиз эди.

4. Тони Крооснинг бурчакдан оширган тўпига шериклари зарба бера олмади.

2. Асенсионинг узатмасига Мендидан аввал рақиб футболчиси етиб келди.

1. Ўйин бошланди!

0. Футболчилар майдонга тушиб келди. Ўйин бир неча сониялар ичида старт олади.

Жамоалар таркиби билан танишинг: