Испаниядаги кўчаларнинг бирига Илия Топурия номи берилди

25 март куни UFC жангчиси Илия Топурия Испаниянинг Толедо шаҳар мери билан учрашди. Йиғилишда шаҳардаги кўчаларнинг бирига 28 ёшли жангчи номи берилиши эълон қилинди: “Paseo Ilia Topuria" (испанча: Илиа Топурия қирғоғи/Илиа Топурия ўтиш жойи). Бу ҳақда "Bloody Elbow" хабар бермоқда.

“Учта маданиятни бирлаштирган Толедодек шаҳарнинг кўчасига номим берилганидан жуда хурсандман” - деди Топурия матбуот анжуманида.

Маълумот учун, Илия икки фуқароликка эга: испан ва грузин. У 2012 йилда (15 ёшида) Испанияга кўчиб ўтган.