Исраэль Адесанья октагонга қачон қайтади?

Ўрта вазнда собиқ UFC чемпиони Исраэль Адесанья кейинги жангини қачон ўтказишини айтди.

"Менда ҳозирча камар ййўқ, аммо исмим кўпчиликнинг тилидан ҳали ҳам тушмаяпти. Мен ҳеч бир жангга қарши эмасман, шу боис бу йил охири ёки келаси йил бошида октагонга қайтмоқчиман. Ҳозирча эса рақиб топилгани йўқ. Лекин ишончим комил, Дана Уайт тез орада буни ҳал қилади. Дю Плессига қарши жангга келсак, ютқазганимни тан оламан. Ўша баҳсда оёқ билан кам ҳаракат қилдим, бир жойда кўп туриб қолдим. Бу менинг хатойим", - деди нигериялик спортчи "Adom Carello Show" га берган интервьюсида. 

Эслатиб ўтамиз, "UFC 305" турнирида Дрикус Дю Плесси Исраэль Адесаньяни 4-раундда сабмишшин орқали мағлуб этган эди.