"Istiqlol" bosh murabbiyi "Lokomotiv" ustidan qozonilgan g‘alabadan so‘ng nimalar dedi?

OChL saralashi doirasida "Lokomotiv" - "Istiqlol" uchrashuvidan keyingi matbuot anjumanining birinchi qismida mehmon jamoa bosh murabbiyi Mubin Ergashev qatnashdi. Bu haqda klub matbuot xizmati xabar berdi.

- O‘yin tomoshabop o‘tdi, muxlislarni so‘nggi soniyalarga qadar hayajonda ushlab turdi. Menimcha, barcha mening ushbu fikrlarimga qo‘shiladi. Shuningdek, ushbu g‘alaba zamirida Vitaliy Levchenko boshchiligidagi murabbiylar shtabining katta mehnati ham yotibdi. Ularga rahmat aytaman. Keyingi bosqichga chiqqanimizdan xursandman.

"Lokomotiv" ham yaxshi jamoa, ammo bu futbol. Biz bugun ikkinchi raqamda o‘ynadik va barchasi rejamiz bo‘yicha kechdi. "Lokomotiv" paslar, uzun va qisqa to‘p oshirishlarida anchagina faol bo‘ldi va to‘pni ushlab turdi. Biroq biz vaziyatdan unumli foydalana oldik, - dedi murabbiy.