Италия А Серияси. Дўстлик ғалаба қозонган "грандлар тўқнашуви"да Шомуродовга жой топилмади

А Серия 3-туридан ўрин олган "Ювентус" - "Рома" учрашуви якунига етди. Мазкур баҳсда жамоалар 1:1 ҳисобидаги дурангга имзо чекди. 

Мезбонлар сафида гол Душан Влахович ҳисобига ёзиб қўйилди. "Бўрилар"нинг голига Тэмми Абрахам муаллифлик қилди.

Қайд этиш лозим, ушбу баҳсда "Рома" сафидаги ҳамюртимиз Элдор Шомуродов майдонга туширилмади. У захирада қолди.

Шу тариқа, туринликлар очколари сонини 5 тага етказиб олди ва жамоа жадвалда 6-ўриндан жой олган. "Рома" ҳисобида ҳозирча 7 очко мавжуд. Клуб 3-поғонани эгаллаб турибди.

• 90+4'
  

  Учрашув якунига етди. Якуний ҳисоб - 1:1.

• 90+2'
  

  "Рома"да сўнгги ўзгариш. Шомуродов захирада қоладиган бўлди.

• 90'
  

  Учрашув асосий вақтига 4 дақиқа қўшиб берилди.

• 84'

  Уххх. "Рома" ўта қулай имкониятдан фойдалана олмади.

• 80'

  Макенни ҳужумда фол ишлатди.

• 77'
  

  Филип Костичга сариқ карточка кўрсатилди.

• 75'

  Икки томон ҳам гол уриб кетиши мумкин. Ўйин шу темпда давом этмоқда.

• 72'

  Турин клуби гол ўтказиб юборгандан сўнг ҳужумга ўтмоқда.

• 69'
  

  ГООООООООЛ! Абрахам ҳисобни тенглаштирди - 1:1!

• 68'

  Абрахамдан зарба. Шесний ўз ўрнида.

• 65'

  Майдон марказида тўп учун жиддий кураш кечмоқда.

• 62'
  

  "Рома"да ўзгариш. Карсдорп ўз ўрнини Челикка бўшатиб берди.

• 61'

  Узоқ давом этган ҳужум бесамар кетди. Патрисиу тўп билан.

• 58'

  "Ювентус" ҳужумга ўтмоқда. 

• 55'

  "Бўрилар" рақиб мудофаасини ёриб ўта олмаяпти.

• 52'

  Вазият кўкка совурилди.

• 51'
  

  Бурчак зарбаси римликлар фойдасига. 

• 48'

  "Рома" ҳужумга ўтмоқда. Аммо "Юве" ҳимоячилари ишончли ҳаракат қиляпти.

• 46'
  

  Иккинчи бўлимга старт берилди.

• 45'
  

  Биринчи бўлим якунига етди. Ҳозирча "Юве" олдинда - 1:0.

• 42'
  

  Кристантега сариқ карточка кўрсатилди.

• 40'

  Абрахам шерикларига бўшашмасликни уқтирмоқда.

• 38'

  "Рома" футболчилари яна қўполлик ишлатди.

• 35'

  Йўқ, Влахович эмас, Куадрадо зарба берди. Унинг "жонли девор" остидан берган зарбасидан сўнг тўпни Патрисиу эгаллаб олди. 

• 34'

  "Зебралар" яна бир қулай имкониятга эга бўлмоқда. Жарима зарбаси ва тўп олдида яна Влахович

• 30'

  "Ювентус" тўп назоратига эгалик қилмоқда. 

• 27'
  

  Гол инобатга олинмади. Ушбу вазиятда мезбонлар футболчиси қўл билан ўйнагани маълум бўлди.

• 25'
  

  ГООООООООООЛ! Локателли жарима майдони ташқарисидан ажойиб гол урди - 2:0.

• 23'

  Дибалага нисбатан қўполлик ишлатилди.

• 18'

  Туринлик футболчилар майдонда ишонч билан ҳаракат қилмоқда.

• 16'
  

  Куадрадонинг яна бир зарбаси. Бу сафар аниқ. Аммо Патрисио тўпни қайтариб қолди.

• 16'

  "Рома" тўп назоратига эгалик қилмоқда.

• 13'

  Куадрадонинг зарбаси дарвоза тўсини тепасидан ўтиб кетди.

• 10'

  Икки жамоа ҳам асабий ҳолатда ўйинни давом эттирмоқда.

• 8'

  "Ювентус" майда паслар орқали ўз жарима майдонидан устамонлик билан чиқиб кетди.

• 6'
  

  Локателлига ҳакам томонидан сариқ карточка кўрсатилди.

• 2'
  

  ГОООООООООООЛ! Душан Влахович жарима зарбасидан ҳисобни очди. "Ювентус" - "Рома" - 1:0.

• 1'
  

  Учрашувга старт берилди.

• *'

  Жамоалар майдонга чиқиб келди.