Италия футболи афсонаси Эрон клубини бошқариши мумкин

Москванинг "Спартак" клуби собиқ бош мураббийи Массимо Каррера фаолиятини Эронда давом эттириши мумкин.

Эроннинг "Персеполис" клуби италиялик мутахассисни бош мураббий лавозмига номзод сифатида кўриб чиқмоқда. Бу ҳақида Tehran Times нашри хабар бермоқда.

Хабарларга кўра, Эрон чемпионатининг 11 карра ғолибини Крунослав Юрчич ёки Александр Нури бошқариши ҳам мумкин.

Эслатиб ўтамиз, 2018 йилнинг октябрь ойида Каррера "Спартак" клубини тарк этганди.

Маълумот учун, 55 ёшли Каррера Италия чемпиони , мамлакат кубоги ва суперкубоги (1995), УЕФА Чемпионлар лигаси (1996) ғолиби бўлган.