Italiya nashri Eldor Shomurodov borasida O‘FAga murojaat qildi - Davron Fayziev

Oxirgi paytda Italiya nashrlarining nigohi "Jenoa"da o‘zini ko‘rsatayotgan Eldor Shomurodovga qaratilgan. Avvaliga "Tuttosport" hamyurtimiz "Yuventus"ning qiziqish doirasida bo‘lishi mumkinligini yozgandi. Endi esa, "Gazzetta Dello Sport" hujumchi haqida katta material chop etdi.

Shomurodovning o‘yinlari futbolimizni tanitayotgani haqida sharhlovchi Davron Fayziev telegramdagi sahifasida fikrlarini bayon etdi.

- Eldor Shomurodov haqida Italiyaning Gazzetta Dello Sport nufuzli nashri yozmoqda.

“Jenoa" o‘zining yangi Eldor..adosini topdi”, deyilgan sarlavhada. Shuningdek, Shomurodovning Italiyadagi hayoti, O‘zbekistonda uning faoliyatiga munosabat, natijalari, instagram sahifasi va yana bir qancha ma’lumotlar yozilgan. Bularni tarjima qilmasak ham sizga ma’lum, italiyaliklar esa, Shomurodov bilan endi tanishmoqda. Eldorning debyuti "Jenoa"da umid uyg‘otmoqda. Uning yordamida Genuya klubi A Seriyada kurashni davom ettirmoqchi.

Darvoqe, Gazzetta vakillari bizga ham (O‘FA Mediyasiga) murojaat qilib, Vadim Abramovning fikrlari bilan qiziqishdi. Tashkil etib berdik. Hozirda Italiya futbol ommasi O‘zbekiston futboli bilan yaqindan tanishmoqda. Mana qanchalik muhim kuchli chempionatlarda vakillarimizning o‘ynashi. Ko‘payaverishsin, - deya yozib qoldirdi Davron Fayziev.