Италия Суперкубоги. "Наполи" ишончли ҳисобда "Милан"ни мағлуб этиб, финалга чиқди

Италия Суперкубоги ярим финалидан ўрин олган учрашув ўз ниҳоясига етди. Унда "Наполи" жамоаси "Милан"ни 2:0 ҳисобида таслим қилди.

Беллашувнинг 39-дақиқасида Давид Нерес ҳисобни очди. 63-дақиқада эса Расмус Хойлунд  жамоасининг иккинчи голини урди.

Шу тариқа, Антонио Конте шогирдлари финал йўлланмасини қўлга киритди.