Италияда “янги Месси” чиқибди. Унга “Челси” ҳозирдан харидор

“Челси” скаутлари А Серия вакили “Удинезе”нинг ҳужумкор футболчиси Симоне Пафунди хатти-ҳаракатларини синчковлик билан ўрганиб бормоқда.

Маҳаллий матбуот 15 ёшли футболчини “янги Месси”, деб бонг урмоқда. Пафунди худди Месси сингари катта тезлик, ажойиб техника, етук футбол интеллекти ва кичикроқ бўй-бастга эга.

Симоне Пафунди ёши етмагани боис, клуб билан профессионал шартномага эга эмас. У бошқа клубнинг ёшлар жамоасига ҳеч қандай тўсиқсиз ўтиши мумкин.

Ёшлар ўртасидаги мусобақаларда ёрқин ўйин намойиш қилаётган Пафундининг иқтидорини  “Челси” мутасаддилари юқори баҳоламоқда. Улар тез орада футболчининг вакиллари билан музокарага киришади. Лондонликлар футболчини тарбиялаган “Удинезе”га  икки миллион евро миқдорида бадал пули тўлашга тайёр.