Италиянинг яна бир клуби Нуньес учун курашга қўшилди

"Ливерпуль" ҳужумчиси Дарвин Нуньес "Ювентус"нинг эътиборини тортди. А Серия гранди ёзги трансфер ойнаси ёпилишидан олдин Душан Влахович билан хайрлашиб, янги ҳужумчини жамоага жалб қилмоқчи.

"La Stampa" нашрининг хабар беришича, "Ювентус" раҳбарияти Нуньес бўйича музокаралар ўтказишни режалаштирмоқда. "Ливерпуль" уругвайлик футболчи учун тахминан 60 миллион евро сўрамоқда, бироқ ижарага беришга ҳам рози бўлиши мумкин. 

Дарвин Нуньесни ўз сафига қўшиб олишга "Наполи" ва Саудия Арабистонининг "Ал-Ҳилол" клублари ҳам қизиқиш билдирган. 26 ёшли футболчининг мерсисайдликлар билан шартномаси 2028 йилнинг ўрталаригача амал қилади.