Ivan Boshkovich: "Yaxshi darajadagi futbol namoyish etdik"

Superligada 25-tur yakunlandi. "So‘g‘diyona" o‘z maydonida "Lokomotiv"ni qabul qildi va 2:0 hisobida g‘alaba qozondi. Bellashuvdan so‘ng mezbonlar ustozi Ivan Boshkovich quyidagilarni aytdi: 

"O‘ylashimcha, oson o‘yin bo‘lmadi. Birinchi taymda biz, men kutgandek o‘yin ko‘rsatmadik. Vaholanki, yomon o‘ynamadik, ammo yigitlar sodda xatolarni ko‘p qilishdi. Juda oddiy uzatmalar bilan o‘ynadik. Bu xatolar bo‘lishini istamagan bo‘lar edik.

Bizda birinchi bo‘limda imkoniyatlar bo‘ldi, ammo ikkinchi taymdagi pozitsion o‘zgarishlarimizdan keyin vaziyatni o‘zgartirdik. Andreev va Yovovichda jarohat bor edi, ammo ular maydonga chiqib jang qilishdi.

Biz ikkinchi bo‘limda intensivlik, ishtiyoqda qo‘shdik. To‘p bilan harakat tezligini ham oshirdik. Bizda medal uchun imkoniyat bor va buni oxirigacha bajarishga harakat qilamiz. Yaxshi darajadagi futbol namoyish etdik. Mavsum boshi bilan solishtirilsa, o‘sish kuzatilmoqda. Biz to‘g‘ri yo‘ldamiz, deb o‘ylayman", - deydi Boshkovich.