"Жаҳон чемпионати U-20". Ироқ кейинги босқичдан умидини узди, Жанубий Кореяга эса дуранг ҳам етарли

Бугун тунда 20 ёшгача бўлган футболчилар ўртасида жаҳон чемпионатининг 2-тур доирасидаги сўнгги учрашувлар бўлиб ўтди. Унда "E" ва "F" гуруҳларидаги жамоалар ўз ўйинини ўтказди. 

"E" гуруҳида Англия Уругвайни 3:2 ҳисобида мағлуб этди ва ҳозирча 6 очко билан 100 фоизлик натижа қайд этиб турибди. Терма сўнгги турда Ироқ билан дуранг ўйнаса ҳам кейинги босқичга йўлланма олади.

Квартетдаги яна бир ўйинда Тунис қитъадошларимиз Ироқни йирик 3:0 ҳисобида таслим этди. Шу тариқа, Ироқ мусобақада кейинги босқичга чиқиш имконини қўлдан бой берди. Тунис эса сўнгги турда Уругвай билан ҳаёт-мамот масаласини ҳал қилади. 

"F" гуруҳида Гамбия терма жамоаси кутилмаганда Франциялик тенгқурларидан устун келди - 2:1. Африкаликлар ҳали очко йўқотганича йўқ. Охирги турда Жанубий Корея билан 1-ўрин масаласи ҳал қилиб олинади. Франция эса сенсацион тарзда гуруҳда қолиб кетди. 

Яна бир беллашув Осиё вакили Жанубий Корея ва Шимолий Америка аъзоси Гондурас термалари ўртасида бўлиб ўтди. Қизиқарли кечган беллашув 2:2 ҳисобидаги дуранг натижа билан якун топди. 

Кореяликларни сўнгги турда дуранг ҳам қониқтиради. Гондурас эса плей-офф учун 3-турда Францияни енгиши ва Жанубий Кореянинг Гамбияга ютқазишини кутишига тўғри келади.

Фикрлар

Фикр қолдириш учун авторизациядан ўтинг!