Жаҳон чемпионати учинчи ўрин учун баҳсни ким бошқариб боради?

Жаҳон чемпионати бронза медаль учун бўлиб ўтадиган Хорватия ва Марокаш ўртасидаги ўйинни ким бошқариши маълум бўлди. Мазкур баҳсни қатарлик Абдулраҳмон ал-Жассим бошчилигидаги ҳакамлар бригадаси бошқариб боради. Қанотларда унга ўз ҳамюртлари кўмаклашади.

ВАР тизими эса чилилик Хулио Баскуньян ва нидерландиялик Пол ван Букелга ишониб топширилган.

35 ёшли ал-Жассим мундиалнинг гуруҳ босқич доирасида АҚШ ва Уэлс (1:1) учрашувини бошқариб борганди.

Эслатиб ўтамиз, Хорватия - Марокаш ўйини 17 декабрь куни бўлиб ўтади. Учрашув Тошкент вақти билан 20:00 да старт олади.