Жаҳон чемпионатига 16 та йўлланма қолди. (Мундиалга чиққан барча жамоалар рўйхати)

2026 йилнинг ёзида футбол бўйича ўтказиладиган жаҳон чемпионатига бирданига уч мамлакат – АҚШ, Канада ва Мексика мезбонлик қилади. Айни пайтда айрим минтақаларда йўлланмалар учун кураш қизғин паллага кирган.

Европа минтақаси саралаш турнирининг навбатдаги учрашувларидан кейин жаҳон чемпионатида иштирок этиш ҳуқуқини қўлга киритган янги терма жамоалар номи маълум бўлди. Булар Норвегия ва Португалиядир.

Эрлинг Холанд етакчилигидаги Норвегия сафар учрашувида Италияни 4:1 ҳисобида ер тишлатти ва  “I” гуруҳида биринчи ўринни нақд қилди.

Криштиану Роналдусиз ўйнаган Португалия ўз мухлислари кўз ўнгида Арманистон футболчиларини 9:1 ҳисобида мағлубиятга учратди.

 2026 йилги жаҳон чемпионатида иштирок этадиган терма жамоаларнинг ҳозирги рўйхати қуйидагича кўриниш олди:

АҚШ, Канада, Мексика, Япония, Янги Зеландия, Эрон, Аргентина, Ўзбекистон, Жанубий Корея, Иордания, Австралия, Бразилия, Эквадор, Уругвай, Колумбия, Парагвай, Марокаш, Тунис, Миср, Жазоир, Гана, Кабо-Верде, ЖАР, Қатар, Саудия Арабистони, Англия, Сенегал, Кот-д'Ивуар, Франция, Хорватия, Норвегия ва Португалия.

Мундиалнинг 48 та ўрнидан 32 таси тўлди. Терма жамоалар яна 16 та йўлланма учун курашни давом эттиради.