Жаҳон чемпионатининг энг чиройли голи аниқланди

FIFA Қатарда бўлиб ўтган жаҳон чемпионатинининг энг чиройли голини аниқлади.

Унга кўра, "Тоттенхэм" клуби ва Бразилия терма жамоаси ҳужумчиси Ришарлисоннинг гуруҳ босқичи биринчи туридаги Сербия дарвозасига йўллаган акробатик усулдаги зарбаси мундиалнинг энг чиройли голи, деб топилди.

Бу совринга қуйидаги футболчилар даъвогар эди:
1. Салим Ал-Давсарининг Аргентинага қарши ғалаба голи;

2. Бразилия ҳужумчиси Ришарлисоннинг Сербияга қарши ўйиндаги қайчи усулидаги голи;

3. Ришарлисоннинг Жанубий Кореяга ажойиб комбинациядан сўнг киритган тўпи;

4. Нидерландия футболчиси Коди Гакпонинг Эквадор дарвозасига урган голи;

5. Энцо Фернандеснинг Мексикага қарши ўйинда киритган тўпи;

6. Камерунлик Венсан Абубакарнинг Сербияга урган голи;

7. Мексика ярим ҳимоячиси Луис Херардо Чавеснинг Саудия Арабистони терма жамоасига жаримадан киритган тўпи;

8. Килиан Мбаппенинг Польшага қарши баҳсда қўшиб берилган вақтлардаги урган голи;

9. Жанубий Корея футболчиси Пэк Сын Хонинг узоқ мқсофадан Бразилия дарвозасига йўллаган "пушка"си;

10. Бразилия вингери Неймарнинг Хорватия дарвозасига киритган тўпи.