Жаҳон чемпионатининг энг яхши ёш футболчиси бу номга нолойиқми?

Қатарда бўлиб ўтган жаҳон чемпионати якунларига кўра, нуфузли WhoScored статистик портали мутахассислари турнирнинг энг яхши ёш футболчиларидан иборат рамзий терма жамоани тузиб чиқди. Гап 23 ёшгача бўлган ўйинчилар ҳақида кетмоқда.

Рамзий жамоа қуйидагича кўриниш олди:

Коста (Португалия) - Девис (Канада), Конате (Франция), Тимбер (Нидерландия), Далот (Португалия) - Беллингем (Англия), Мусиала (Германия), Кудус (Гана) - Сака (Англия), Винисиус Жуниор (Бразилия) , Гакпо (Нидерландия).

Аргентина терма жамоаси ярим ҳимоячиси Энцо Фернандес рамзий терма жамоага киритилмагани қизиқ. Боиси, у финал баҳсидан сўнг турнирнинг энг яхши ёш футболчиси совринини олган эди.