Жаҳон чемпиони "Барселона"дан кетмоқчи эмас

"Барселона" ҳимоячиси Самюэль Умтити ёзда Каталония клуби таркибини тарк этмоқчи эмас.

Клуб раҳбарияти 26 ёшли футболчини ёзги трансфер ойнаси вақтида сотиб юбормоқчилиги ҳақида хабар берилган эди. Бироқ франциялик футболчи жароҳатидан қутулиб, янги мавсумда асосий таркибга кириш учун курашишга тайёр.

"Барса" билан шартномаси 2023 йил июнида якунига етадиган франциялик футболчи Ла Лиганинг ортда қолган мавсуми мобайнида 13 ўйинда майдонга тушди.