Jahon chempioni Frantsiyaning o‘rtamiyona klubiga o‘tishi mumkin

Dortmundning “Borussiya” klubi hujumkor yarim himoyachisi Mario Gyottse faoliyatini Frantsiya chempionatida davom ettirishi mumkin.

Bild nashri tarqatgan xabarga ko‘ra, 27 yoshli jahon chempionini “Nitstsa” o‘z safida ko‘rmoqchi. Aytish kerakki, frantsuz klubi germaniyalik futbolchini mutlaqo tekinga qo‘lga kiritishi mumkin. Boisi, Gyottsening dortmundliklar bilan amaldagi shartnomasi yozda o‘z nihoyasiga etadi.

Mario joriy mavsum Bundesligada jami 13 ta o‘yinda maydonga tushdi va raqiblari darvozasiga 3 ta gol urdi.