Жаҳон чемпиони Мбаппени танқид қилди: Килиан, катта бўл, бу ҳаёт

Франция терма жамоаси сафида 2000 йилги жаҳон ва Европа чемпиони Эммануэль Петитнинг фикрича, ПСЖ ҳужумчиси Килиан Мбаппе ҳали ўсиши керак.

"У марказий мавзудан, яъни футбол ва майдондан тобора узоқлашмоқда. Албатта, ваъдалар бажарилмагани ҳақидаги миш-мишлардан хабардорман, лекин яна қайтараман: “Килиан, катта бўл, бу ҳаёт”.

Сизга кўпинча ҳеч ким бажармайдиган ваъдалар берилади, бу сиз ишлашни тўхтатиб, ҳамма нарсани шубҳа остига қўйишингиз кераклигини англатадими? Албатта, йўқ. Буни биз кундалик ҳаёт, катталар ҳаёти деб атаймиз. Килиан, ўзингизга боғлиқ муаммоларингизни қанчалик тез ҳал қилсангиз, ўйинингиз тезроқ яхшиланади ва жамоатчилик ҳамда жамоадошларингиз билан муносабатларингиз яхшиланади.

Клуб ҳар қандай футболчидан муҳимроқ. Бугун Мбаппенинг гаплари ўринсиз. У ҳаракатлари билан клуб ва шерикларига ҳам ҳурматсизлик кўрсатмоқда. Чунки бу гапи билан Килиан нафақат мураббийини, балки баъзи футболчиларни ҳам хафа қилади", - деди Пети.