Жаҳон чемпиони Нодирбек Aбдусатторовга "Мард ўғлон" давлат мукофоти, икки хонали уй ва 250 млн сўм топширилди (Фото)

Бугун жаҳон чемпиони Нодирбек Aбдусатторовга "Мард ўғлон" давлат мукофоти, икки хонали уй калити ва 250 млн сўм пул мукофоти топширилди. Бу ҳақда Туризм ва спорт вазирлиги матбуот хизмати хабар берди. 

Ўзбекистон Миллий олимпия қўмитаси биносида ўтказилган тадбирда Ўзбекистон Республикаси Президенти Aдминистрацияси, Вазирлар Маҳкамаси, Туризм ва спорт вазирлиги раҳбарияти иштирок этди.

Шунингдек, ғолибнинг устозларига 100 миллион сўмдан, яна қолган шахматчиларимиз Жавоҳир Синдоровга 50 миллион сўм ва Шамсиддин Воҳидовга ҳам пул мукофотлари топширилди.

Жаҳон чемпиони Нодирбек Aбдусатторовни тантанали тақдирлаш маросими "Янги Ўзбекистон" боғида давом эттирилди.