Жаҳон чемпиони “Юве”ни тарк этди

“Ювентус” Франция терма жамоаси сафида жаҳон чемпионлигини қўлга киритган Блез Матюиди билан хайрлашди. 33 ёшли футболчи бу ҳақида “Твиттер” саҳифасида маълумот берган.

“Ювентус” оиласининг бир қисми бўлиш бу ушалган орзу, шараф. Мен ақлбовар қилмас бу жамоа билан бирга бўлдим. Доимо сизларнинг биринчи рақамли мухлисингиз бўлиб қоламан. Барчаси учун ташаккур”, - деб ёзди футболчи. 

У туринликлар сафига 2017 йил ПСЖ жамоасидан келиб қўшилган эди. Энди Матюиди “Интер” Майами клуби шарафини ҳимоя қилади.