Жаҳонгир Жумаев россиялик енгилмас жангчига қарши октагонга кўтарилади

17 октябрь куни Бирлашган Араб Амирликларининг Абу-Даби шаҳрида ўзига хос жанг кечаси ташкил этилади. Яъни, "UAE Warriors 45" турнири ташкил этилади. Биз учун аҳамитяли жиҳати, ушбу жанг оқшомида ҳамюртимиз Жаҳонгир Жумаев октагонга кўтарилади. 

У россиялик Амру Магомедовга қарши баҳс юритади. Магомедов аслида бразилиялик Алекс да Силва Коэлога қарши баҳс юритиши керак эди. Бироқ, баъзи сабабларга кўра, да Силва ушбу жангда иштирок эта олмайдиган бўлди ва унинг ўрнини ҳамюртимиз тўлдирди. Ушбу жанг енгил вазн (70,3 кг) тоифасида чемпионлик камари учун бўлиб ўтади. 

Маълумот учун, Жаҳонгир Жумаев профессионал фаолияти мобайнида 11 та жанг ўтказган ва 9 та ғалаба қайд этган. 2 бор мағлубиятга учраган. Магомедовнинг рекорди эса 5-0 кўриниш олган.