Жалолиддин Машарипов қайтди (Фото)

Саудия Арабистони чемпионати 24-туридан ўрин олган "Ал-Иттифоқ" ва "Ал-Насср" жамоалари ўртасидаги ўйинда риёдликлар сафида ҳаракат қилган легионеримиз Жалолиддин Машарипов асосий таркибда майдонга тушган эди.

43-дақиқада ҳамюртимиз рақиб билан тўқнашувда қошини ёриб олди ва ўйинни давом эттира олмади.

Текширувларда Машариповнинг юз қисмидаги жароҳатдан ташқари, бурун суяги сингани ҳам аниқланганди.

Айни пайтда клуб матбуот хизмати ҳамюртимиз сафга қайтганини маълум қилди. Машарипов жамоа машғулотларида иштирок этмоқда. Демак, жароҳати жиддий эмас. У шериклари билан кейинги турга тайёргарлик кўрмоқда.