Жалолиддин Машарипов: "Қўлдан келганча терма жамоага мундиалда ёрдам беришга ҳаракат қиламиз"

Ўзбекистон миллий терма жамоамиз етакчиларидан бири ҳисобланган Жалолиддин Машарипов Нью-Йоркдаги илк машғулот ҳамда бўлажак ўртоқлик беллашувлари ҳақида ўз фикрлари билан ўртоқлашди. 

"Авваламбор, барча ҳамюртларимиз ва мусулмонларни "Қурбон ҳайити" билан табриклайман. Биз жуда яхши етиб келдик, адаптация жараёни ҳам бошланди.

Бизни Нью-Йоркда кутиб олган ўзбекистонлик мухлисларимизга ҳам каттакон раҳмат. Насиб қилса, қўлдан келганча терма жамоага мундиалда ёрдам беришга ҳаракат қиламиз.

Менимча, ўртоқлик учрашувларида яхши ўйинлар бўлади. Биз ҳам ўзимизни Жаҳон чемпионатидан олдин текшириб оламиз, жуда ҳам яхши ўйлашган. Худо Хоҳласа, ҳаммаси ажойиб бўлади", - дея таъриф бериб ўтди терма жамоамиз аъзоси.

Маълумот ўрнида, вакилларимиз мундиалда Португалия, Колумбия ва Конго терма жамоаларига қарши майдонга тушади.