Janni Infantino: "Ayrim joylarda futbol o‘yinlari juda ko‘p, boshqa hududlarda esa yetarli emas"

FIFA prezidenti Janni Infantino zamonaviy futbol o‘yinlari taqvimi haqida o‘z fikrlari bilan o‘rtoqlashdi.

"Qachonkim futbol juda ko‘p degan bahslarni eshitsam, shuni aytishni istaymanki, ehtimol ayrim mintaqalarda o‘yinlar soni ortiqchadir. Ammo dunyoning boshqa qismlarida, aksincha, futbol o‘yinlari yetarli darajada emas.

Biz klub futboli va terma jamoalar futboli o‘rtasida to‘g‘ri muvozanatni topishga harakat qilishimiz kerak", — dedi Infantino.

Shuningdek, FIFA rahbari muhim o‘yinlar bilan ahamiyatsiz uchrashuvlarni ajratish zarurligini ham ta’kidladi.